Britain aur Europe ke Airports par Cyber Attack, Doznon Flights Mansookh

Britain aur Europe ke airports par cyber attack ke sabab darjnon parwazain mansookh kar di gayi. Ghair mulki media reports ke mutabiq Britain ke Heathrow Airport par flights ki amad o rawangi me taakhir ka imkaan hai. System band hone ki wajah se abhi manual tareeqe se boarding ka amal jari hai. Brussels Airport ke officials ne tasdeeq ki ke cyber attack ke sabab 10 parwazain mansookh kar di gayi hain, jabke 17 parwazain ek ghante se zyada taakhir ka shikar hain. Berlin Airport par bhi flights late ho rahi hain jiske sabab musafiron ko shadeed pareshani ka samna hai. Doosri taraf United Arab Emirates ke airports par musafiron ki aamad nai record satah par pohanch gayi hai. GCAA ke report ke mutabiq UAE ne 2025 ke pehle six months me 75.4 million musafiron ko welcome kiya jo ke pichle saal ke 71.7 million se zyada hai. Data ke mutabiq air traffic me 6.2% izafa hua aur air cargo ka volume 2.2 million ton se zyada record kiya gaya. Sabse busy month January raha jisme musafiron ki tadaad sabse zyada rahi. Is ke ilawa Islamabad se Dubai jany wala ek tayara Karachi Airport par emergency landing karne par majboor ho gaya. UAE ke Minister of Economy aur GCAA chairman Abdullah bin Touq Al Marri ka kehna hai ke mulk global markets ke sath apne air links ko mazeed barhane ke liye kaam jari rakhe ga. Sirf Dubai ne hi 2025 ke pehle half me 9.88 million se zyada international visitors ko welcome kiya.